سیاست

اسحاق ڈار: پاکستان خودمختاری کے تحفظ پر مکمل طور پر ثابت قدم

اسلام آباد: نائب وزیراعظم اور وزیر خارجہ محمد اسحاق ڈار نے کہا ہے کہ پاکستان علاقائی اور عالمی سطح پر بڑھتی ہوئی کشیدگی سے نمٹنے کے لیے سفارت کاری، مذاکرات اور اپنی خودمختاری کے تحفظ کو یقینی بناتے ہوئے علاقائی امن اور معاشی خوشحالی کے لیے کوششیں جاری رکھے گا۔ انہوں نے واضح کیا کہ پاکستان اپنی خودمختاری کے تحفظ کے لیے پوری قوت کے ساتھ اپنے اقدامات جاری رکھے گا۔

نائب وزیراعظم نے کہا کہ معاشی سفارت کاری حکومت کی ترجیحات کا ایک مرکزی جزو ہے، جس کے تحت برآمدی منڈیوں کو وسعت دینا، پیداواری صلاحیت اور سرمایہ کاری کو فروغ دینا، اور جدید صنعتی و اقتصادی ٹیکنالوجی کو اپنانے کی پالیسی پر عمل جاری ہے تاکہ روزگار کے نئے مواقع پیدا ہوں اور عوام کے معیارِ زندگی میں بہتری آئے۔

انہوں نے بتایا کہ پاکستان علاقائی شراکت داریاں، خصوصاً قطر، سعودی عرب، ترکیہ اور مصر کے ساتھ تجارتی اور سرمایہ کاری تعلقات کو مزید آگے بڑھانے کے لیے مسلسل کوشاں ہے، جس کا مقصد معاشی استحکام کو یقینی بنانا اور خطے میں دیرپا خوشحالی کے لیے راہ ہموار کرنا ہے۔

اسحاق ڈار نے مزید کہا کہ پاکستان کی خارجہ پالیسی کا بنیادی نکتہ علاقائی امن، باہمی احترام اور مشترکہ مفادات پر مبنی تعلقات کا فروغ ہے، اور اس ضمن میں تمام برادر و دوست ممالک کے ساتھ تعاون کو مزید مستحکم بنایا جائے گا۔

جواب دیں

Back to top button